Qué ère er scriptorium ara hè 1000 ans?

Er escriptòri de Santa Maria de Ripòlh deishèc un vielh legat de manuscrits des sègles X, XI e XII, des mès importants d’Euròpa a nivèu paleografic, textuau e artistic. Ua part considerabla d’aguesti manuscrits s’a perdut ath long deth temps; es codèx conservadi se tròben majoritàriament en Archiu dera Corona d’Aragon, maugrat que cau anar enquiara Bibliotèca Nacionau de París o ara Bibliotèca Apostolica deth Vatican entà poder contemplar es pagines des dues granes bíblies manuscrites en monastèri de Santa Maria en sègle XI.

Qué ei er Scriptorium de Ripòlh actuaument?

Er Scriptorium de Ripòlh ei ua exposicion permanenta que, de manèra interactiva e didactica, aufrís era possibilitat de conéisher eth passat culturau dera poblacion e era importància qu’eth monastèri de Santa Maria de Ripòlh auec des sègles X ath XII ena produccion e còpia de manuscrits, que vengueren des mès importants d’Euròpa. Mès era experiéncia non s’acabe ací, per çò qu’eth visitaire, ja sigue gran o petit, aprenerà coma se fabrique un pergamin, coma s’artenh qu’ua pluma d’auca escriue, coma se religue un codèx medievau e, çò de mès d’important ei que, un còp acabada era visita, poderà hèr eth madeish de monge copista, en tot méter en practica çò qu’a aprenut ena exposicion deth long e menimós procès de fabricacion des codèx.

 Per algun motiu ha de ser majúscula aquí a diferència del paràgraf anterior?

Ho deixem com a l’original.