Er an 1929 se fondèc er Arxiu Museu Folklòric de Ripoll, que s’installèc en humarau dera antica glèisa de Sant Pere e siguec eth prumèr de Catalunya dedicat ara etnografia. Ath long de setanta ans e de forma ininterrompuda recuelhec, conservèc, estudièc e difonec eth patrimòni des nòstes contrades.

Eth resultat ei eth Museu Etnografic de Ripoll que, despús de dètz ans de readaptacion, daurís un aute còp es pòrtes entà seguir preservant e enriquint eth sòn hons e tornar a mostrar aguest legat, que mos ajude a compréner ua societat a compdar d'un patrimòni materiau e immateriau, deth quau destaquen es colleccions relacionades damb es pastors, era pagesia, es oficis, era religiositat populara, era harga catalana e eth hèr hargat e es armes de huec portatils ripolheses.

Era naua sedença, inaugurada en març de 2011, convide a hèr un recorrut, interessant entà grani e petits, que permet descorbir eth passat recent e era identitat d'un territòri, atau com tanben reconéisher ua manèra de víuer e de sénter.