Era descubèrta d’un abitat deth neolitic ancian (cultura cardiau) en costat orientau der estanh de Banyoles, er an 1990, a permetut catar dempús d’alavetz, a trauès deth Musèu Arqueologic de Banyoles e damb era ajuda d’autes institucions scientifiques, un des prumèrs pobladi neolitics lacustres d’Euròpa (5400-4900 aC). Es nombrosi objèctes de husta e es centenats de pilars des sues cabanes anautides sus era tèrra, conservadi mercés ara sua situacion en contacte permanent damb eth nivèu freatic, amassa damb era rèsta dera sua cultura materiau (objèctes de uas, pèira, ceramica, fauna e vegetaus) son un hèt excepcionau ena peninsula Iberica.

Eth parc neolitic dera Draga foncione dempús der an 2000. Tant es escolars coma es grops toristics i pòden experimentar coma ère era vida en neolitic mercés as sues cabanes reconstruïdes, as camps neolitics de cereaus e leguminoses e as activitats centrades damb era sua vida quotidiana.