Ei era soleta explotacion d'elaboracion de hormatge damb lèit de craba que i a en Palhars Sobeiran. Es crabes gessen cada dia a péisher enes peisheus des environs deth pòble de Gavàs, plaçat ath miei des Pirenèus. Cada dia son popades e damb era sua lèit se produsís eth hormatge "serrat", eth "tupí" e eth "brossat", que se venen majoritàriaments ena pròpria botiga.

Pendent er estiu, Roseta de Gavàs aufrís visites guidades ara hormatgeria, a on tanben se pòden crompar es hormatges (segons existéncies) e gaudir dera exposicion permanenta de pentura realizada per Rosa.

Dempús longtemps er Ecomusèu e era hormatgeria collabòren en diferentes activitats. Dilhèu era mès coneishuda ei, enes estius, era Pastorada. Jesús, eth pastor, e Cristina, era guida der Ecomusèu, acompanhen as visitants damb es crabes entà explicar se coma se gerís un arramat e quina ei era relacion que i a entre es crabes e era gent.