Eth Musèu Nacionau Arqueologic de Tarragona (MNAT) presente ua exposicion de sintèsi entà conéisher ueit sègles dera istòria de Tarraco, era prumèra fondacion romana ena peninsula Iberica e eth caplòc dera Hispania Citerior, era província mès extensa der Empèri.

Ath madeish temps que plantege un recorrut coronologic, podem descorbir er urbanisme, era arquitectura, era societat o era economia dera ciutat e deth sòn territòri, hònt tanben dera sua riquesa, e que coneishem a trauès des villes, peirères o vies qu'an perdurat enquiàs nòsti dies.

Ua istòria que se materialize e que resseguim ena exposicion a compdar d'ua seleccion representativa deth hons deth Musèu Nacionau Arqueologic de Tarragona: arquitectura, escultura, pintura, bronzes, mosaïc, ceramica, joièus...

Mentre que se reforme era sedença deth Musèu ena Plaça del Rei, vos convidam a conéisher era esséncia d'ua ciutat romana, Tarraco, e dera colleccion d'un musèu centenari, eth MNAT, en Tinglado 4 deth Pòrt de Tarragona.