Eth Musèu Arqueologic se trape actuaument barrat per òbres. En tant que se reforme era Sedença deth musèu ena Plaça del Rei, podètz visitar era exposicion de sintèsi Tarraco/MNAT, en Tinglado 4 deth Pòrt de Tarragona, a on coneisheratz ueit sègles dera istòria de Tarraco a trauès d'ua seleccion representativa deth hons deth MNAT.
\ \Eth Musèu Nacionau Arqueologic de Tarragona ei eth mès antic de Catalonha ena sua especialitat. Format pendent era prumèra mitat deth sègle XIX, a estat, des des sues origines, eth centre de recuperacion e conservacion deth patrimòni arqueologic de Tarragona e deth sòn airau d'influéncia.
\ \Era importància istorica e monumentau dera ciutat romana de Tarraco, caplòc dera Hispania Citerior, e des jaciments arqueologics deth sòn entorn, a proporcionat ath musèu ua importanta e rica colleccion de materiaus arqueologics qu'illustren eth procès de romanizacion dera peninsula Iberica.
\ \Per ben que bères ues des pèces qu'actuaument formen part deth musèu provien de colleccions des sègles XVI, XVII e XVIII, era màger part des hons an estat recuperadi enes darrèrs 150 ans coma conseqüéncia dera construccion deth pòrt modèrn e, mès recentament, der extraordinari creishement urbanistic dera ciutat.
Darrèra actualizacion: 10/04/2024