Plaçat ena part baisha dera ciutat —en tot aprofitar eth fòrt desnivèu deth terren entà emparà'i, en part, es grades—, consèrve rèstes des parts fondamentaus dera bastissa: cavea (grades), orchestra (emicicle ath pè des grades reservat entàs personalitats) e scaenae frons (espaci scenic e installacions de supòrt tàs representacions).

S'a conservat ua part des cinc prumères hilades dera part baisha dera cavea, ar entorn dera orquèstra, e dues des tres escales (scalaria) que la dividien en sectors.

Eth scenari ère presidit, ath hons, per ua façada monumentau esplendidament ornada.

Bastida en epòca der emperador August, era bastissa s'amplièc e s’utilizèc enquiara fin deth sègle II dC, moment que deishèc de foncionar coma teatre e siguec destinada a d'auti usatges.

Redescorbit a finaus deth sègle XIX, patic importantes destruccions ath long deth XX.