Descorbida er an 1923, era necropòli paleocristiana de Tarragona hè part dera evolucion istorica dera banlèga mès extensa de Tarraco, enes proximitats deth tram finau deth riu Tulcis (Francolí).

Es rèstes visitables mòstren un sector residenciau (ua domus suburbana e un airau productiu) e part d'un extens airau d'enterraments d'aguesta necropòli. Açò se complemente damb un centre d'interpretacion, dedicat a explicar eth mon dera mòrt en epòca romana e era problematica funerària de Tarraco, qu'acuelh es pèces mès relevantes recuperades enes excavacions.

Es estudis situen era necropòli entre es sègles III e V dC, associada ath culte as protomartirs Fructuós, Auguri e Eulògi, cremadi ena arena der anfiteatre er an 259 dC. Ena sua memòria se quilhèc, en sègle V, ua basilica que dinamizèc aguest airau funerari.

Eth coneishement e conservacion dera necropòli ei degut fondamentaument as trabalhs e ara tenacitat de Mn. Serra i Vilaró.