Plaçat en ancian bastiment dera preson naua de Montblanc, eth Centre d’Interpretacion der art Rupèstre (CIAR) nèish coma un referent entara investigacion, era conservacion e er estudi der art rupèstre des montanhes de Prades, declarat Patrimòni Mondiau dera Umanitat pera UNESCO er an 1998. Tanben vò èster un referent sociau a compdar deth quau promòir era educacion e era sensibilizacion ciutadana.

Era visita ath CIAR comence damb ua brèu projeccion audiovisuau e contunhe damb un recorrut a trauès des sales que mos haràn a calar en mon der art rupèstre.

Er airau expositiu presente ua mòstra didactica mejançant panèus, diorames, còpies e repliques de mesura naturau des abrics damb pintures plaçadi en ample airau geografic des montanhes de Prades.

Eth CIAR hè part dera Rota der art rupèstre de Catalonha, dessenhada peth Musèu Arqueologic de Catalonha.