Un des principaus recorsi toristics de Solivella, plaçat en un des punts mès elevadi deth municipi, son es rèstes der ancian castèth palai dera familha Llorac. Maugrat qu’eth lòc ja ei mencionat eth 1058, era sua colonizacion non s’amièc a tèrme enquia finaus deth sègle XII, epòca en qué se bastic era prumèra tor deth castèth. Destacaue pes sues granes empares, damb dentelhs e emponts, e dispausaue d’un espaciós pati centrau.

Maugrat es sègles transcorrudi dempús d’aqueth joièu deth gotic florit catalan, aué eth visitaire i trobarà uns vestigis pro significatius entà hèr-se ua idèa de coma siguec aqueth monstre de pèira. Cau destacar era muralha primitiva e era pòrta d’accès ara embarra emmuralhada, eth pati d’armes e es murs e contramurs, que delaten de quina forma s’organizaue era vida laguens deth castèth.