Cercaire de musèus e localitats

Villa romana des Munts.

Zòna rustica.

Vista generau deth depòsit d'aigua, conegut popularament coma era Tartana.

Vista generau deth depòsit d'aigua, conegut popularament coma era Tartana.

Maugrat qu'ena villa predominaue eth caractèr residenciau e de léser, ua part des bastisses e des espacis se destinaue ara explotacion agricòla der entorn (pars rustica e pars fructuaria).

Era configuracion deth terren permetec qu'era pars rustica dera villa s'orientèsse ara empara dera residenciau. Concrètament, aucupaue er aute penent deth tucò e susplombaue era depression deth territòri, a on semble que se debanaue ua dinamica activitat agricòla.

Se consèrven ua seguida de depòsits semicirculars dera villa e un sosterranh damb un potz, atau coma un ensems de depòsits d'aigua adorsadi entre eri, qu'er unic que se n'a conservat ei conegut popularament coma era Tartana. Ena cima deth tucò, trapam es demoralhes d'un sistèma d'adaiguatge des camps plaçadi ath costat septentrionau dera villa. Destaque ua grana cistèrna de planta rectangulara, compartimentada en ueit encastres comunicadi entre eri, qu'encara consèrve era canalizacion exteriora, orientada de cap as camps de coitiu.

Auem evidéncies tanben de diferenti sistèmes d'emmagazematge, sièges e depòsits catadi ena ròca, tengudi entà emmagazemar productes coma es cereaus. Finaument, s'an trapat es rèstes d'ua petita premsa d'òli, damb granes gèrres semisosterrades (dolis).

scroll to top icon