Cercaire de musèus e localitats

Villa romana des Munts.

Zòna residenciau.

Vista deth mosaïc damb motius geometrics conservat en criptoportic dera zòna residenciau dera villa des Munts.

Vista deth mosaïc damb motius geometrics conservat en criptoportic dera zòna residenciau dera villa des Munts.

Era villa des Munts destaque, essenciaument pera sua part residenciau, coma ua des mès importantes deth país pera magnitud des rèstes arquitectoniques e pera riquesa deth tractament decoratiu.

Aguest airau s'estenguie a meddia, encarat de cap ara mar, e ère format per una gran casa, articulada ar entorn d'un peristil, diuèrsi jardins (hortus) e un minim de dus ensems termaus.

Era zòna mès ben conservada dera domus correspon a ua part dera planta baisha e ara entrada, encarada de cap ara bastissa des banhs. Aguest accès aboque a un correder semisosterrat, eth criptoportic, illuminat damb tronères dubèrtes de cap ath jardin, que permetie accedir as sales nòbles dera villa (minjadors e espacis de recepcion), e comunicar damb ua seria d'estances privades (antecrambes e dormitòris). Ath finau deth criptoportic, per ua escala se pujaue ath dusau estatge e se comunicaue damb era zòna deth peristil, actuaument molt arrasada. Aguest dusau estatge disposaue d'ua galeria porticada dubèrta ath jardin.

Es sales nòbles e eth correder sigueren pasimentadi damb mosaïcs policròms, e parets e tets èren pintadi damb motius geometrics, floraus e figuradi.

scroll to top icon