Cercaire de musèus e localitats

Villa romana des Munts.

Mitrèu.

Vista generau des rèstes deth mitrèu dera villa des Munts.

Vista generau des rèstes deth mitrèu dera villa des Munts.

Ua des darrères trobalhes arqueologiques ena villa a estat un mitrèu de granes dimensions (lòc de culte des seguidors de Mitra, ua divinitat misterica d'origina orientau), non incorporat encara ar itinerari. Presente ua orientacion leugèrament diferenta dera rèsta de construccions dera villa en relacion damb ua determinada posicion solara o astrau. Ei plaçat ena part residenciau, apròp deth triclinium e deth correder que connectaue aguest sector dera villa damb era bastissa des banhs.

Maugrat eth sòn precari estat de conservacion, se distinguissen es encastres pròpris d'aguesta sòrta de santuaris: pronaos, tuta e aula de culte. Laguens dera bastissa se recuperèc un autar, in situ, e es rèstes de un aute, segurament dedicadi a Cautes e Cautopates, assistents de Mitra. Èren plaçadi en accès ara tuta, a on se disposauen es banquetes entà celebrar era minjada rituau des seguidors d'aguesta religion. En aute extrèm se consèrven rèstes dera aula de culte, a on s'aurie plaçat ua imatge de Mitra en tot aucir un taure (tauroctonia). Era tuta ei precedida d'ua avantsala (pronaos), a on s'amiarien a tèrme actes restacadi damb era celebracion mitraïca.

scroll to top icon