Villa romana des Munts.

Banhs.

Vista generau dera bastissa des banhs dera villa des Munts.

Vista generau dera bastissa des banhs dera villa des Munts.

Es installacions dedicades as banhs aueren ua grana importància en plantejament d'aguesta villa. Ath delà dera bastissa des banhs principaus, plaçada ath cant dera casa, se construïc un ensems complementari ena zòna dera plaja, qu'encara ne demoren bèri vestigis.

Es banhs principaus dera villa (thermae) son des banhs privadi mès grans de Catalonha. Sigueren construïdi en dues fases, entre eth sègle I e mejan sègle II dC. Se pòt observar er ensems d'estances que hègen part des banhs: er pòrge-vestiari o entrada (atrium) des banhs, que consèrve un estanh centrau que recuelhie es aigües d'un tet dubèrt e que hège tanben foncions de vestiari (apodyterium); eth sudatorium, a on se hègen es banhs de vapor; eth caldarium, estances cauhades d'a on s'accedie a dues piscines d'aigua cauda, ua de rectangulara e ua auta de planta absidau; eth frigidarium o piscina d'aigua heireda; era natatio, piscina ar aire liure, e ues latrines e d'auti espacis destinadi ath foncionament des installacions.

Es parets e es pasiments des banhs presentauen aplacatges de marme, mosaïcs e pintures, e s'an recuperat, tanben, rics ensems escultorics que hègen part deth decòr.

scroll to top icon