Retrat der emperaire Luci Ver (161-169), coregent de Marc Aurèli. S'agís d'ua imatge oficiau der emperaire que se difonec per tot er Empèri, en tot partir d'un prototipe creat en Roma per un escultor oficiau e realizat, probablament, per un talhèr locau.
Era cara, encara que presente, evidentament, es trèti caracteristics der emperaire, respon ath madeish temps ar estereotip d'ideau de beutat deth moment. Siguec recuperat enes excavacions der nomentat "potz Cartanyà" en airau d'influéncia deth Forum dera Colònia de Tarraco.