Cercaire de musèus e localitats

Tinglado 4.

2.Eth domeni dera Mediterranèa: Ispània ena orbita deth mon roman.

A finaus deth sègle III aC, Roma e Cartage lutauen, un còp mès, peth domeni dera part occidentau dera Mediterranèa. En aguest contèxte d'enfrontament bellic, era peninsula Iberica —era Ispània des romans— n'esdevenguec un des scenaris principaus.

Ar inici der enfrontament, tropes romanes comandades pes frairs Scipion i desbarquen er an 218 aC e establissen un prumèr campament militar enes proximitats d'un assentament iberic precedent, plaçat ath cant dera desbocadura deth riu Francolí, eth Tulcis des romans. Er emplaçament escuelhut responie as besonhs estrategics deth moment: ua comunicacion rapida damb era peninsula Italica per via maritima e terrèstra e ua solida posicion de contraròtle deth territòri e des rotes de comunicacion principaus.

Era preséncia deth riu, d'ua baia portuària e d'un poblat indigèna, amassa damb era riquesa idrica deth subsòl e eth clima benigne, sigueren d'auti arguments qu'expliquen era arribada des romans e era formacion d'un campament qu'esdevierà permanent e basa embrionària de çò que serà, damb eth temps, Tarraco, era prumèra ciutat romana fondada ena peninsula Iberica, e basa d'operacions dera conquista romana d'Ispània.

SIGNOGUIA

02. Romana sense haver nascut a Roma

OBJÈCTES

<p>Din&egrave;r iberic de Kese</p>
Dinèr.
Dinèr.
scroll to top icon