Eth Terracotta Museu se tròbe en ua antica fabrica de ceramica. Vista aeriana de equipament. Fòto de Joan Guitart.
Era ceramica a estat, e ei encara, era activitat mès emblematica dera Bisbal d’Empordà. Ath sòn torn s’a configurat un des principaus motors economics dera vila qu’a dat trabalh (e encara ne da) a un percentatge important dera poblacion locau. Aguesta activitat a ua tradicion de diuèrsi sègles ath sòn darrèr; era prumèra notícia documentada, que da rason der ofici de terrissèr ena Bisbal, se tròbe en un capbrèu de 1511. Des dera sua origina, aguest ofici a anat creant un important patrimòni materiau en decors des ans.
Eth musèu a coma finalitat era preservacion, era conservacion e era difusion d’aguest patrimòni materiau e culturau vinculat ara ceramica bisbalenca, atau com vertebrar ua proposicion d'interpretacion deth sistèma socioeconomic generat per aguesta indústria; un modèl sociau qu’istoricament a comportat ues pautes sociaus e culturaus especifiques. Tanben se vò dar a conéisher eth procès d'industrializacion particular que i a agut laguens d’aguest encastre. Ei en aguest sens, qu’eth Terracota Museu represente tara indústria ceramica dera Bisbal d'Empordà e des comarques gironines un emblèma sectoriau de prumèr orde; sense dubte eth musèu ei, en aguesti moments, er projècte culturau de mès projeccion dera vila.
ENCASTRE
OBJÈCTES
INFORMACION
ADREÇA
C/ Sis d’octubre, 9917100 La Bisbal d’Empordà (Baix Empordà)
TARIFES
Entrada individuau: 5 €
Entrada redusida: 2,50 €
- Retiradi
- Estudiants a compdar de 10 ans
- Titulars deth Carnet Jove
- Ensenhaires damb era carta acreditatiua
- Familhes nombroses e familhes monoparentaus damb possession dera carta en vigor emetuda pera Generalitat de Catalonha
- Grups a partir de 15 persones
Entrada combinada: 6 € (Terracotta Musèu + Castèth Palai)
Entrada gratuïta:
- Residenti en La Bisbal
- Mès joeni de 10 ans, a excepcion des visites guidades
- Persones andicapades
- Membres dera Associacion de Ceramistes de La Bisbal, era Associacion de Ceramistes de Catalonha, era Associacion de Museològs de Catalonha, era Associacion deth MNACTEC e er ICOM
- Caumaires que presenten era huelha DARDO, e era familha que ne depene economicaments
TELEFÒN
+34 972 642 067WEB
http://www.terracottamuseu.cat/ORARIS
Mesi de seteme a junh
De dimars a diuendres: de 10 h a 13 h e de 16 h a 19 h
Dissabtes: de 10 h a 14 h e de 16.30 h a 19.30 h
Dimenges e hestius (a excepcion des deluns hestius), 5 de gèr, 24 e 31 de deseme: de 10 h a 14 h
Es deluns (non hestius), es dies 1r e 6 de gèr, 1r de mai, 11 de seteme e 25 e 26 de deseme: barrat
Mesi de junhsèga e agost
De deluns a dissabte: de 10 h a 14 h e de 16.30 h a 20 h
Dimenge e hestius: de 10 h a 14 h
