Entà emparar-se des creishudes der estanh, bères ues des cabanes dera Draga èren elevades dera tèrra mejançant pilars de husta, qu’encara se tròben enes catacions. Era visita ath Parc Neolitic aufrís era possibilitat d’entrar ena reproduccion d’ua d’aguestes cases sus plataforma e hèr un viatge en temps. Ceramiques, pèths, utisi de husta e paèrs aumplissen er interior dera construccion, de planta rectangulara e damb ua tampa vegetau. Era trobalha de diuèrsi bucranis de bòu en jadiment, animau fòrça apreciat pes neolitics pera sua fòrça de trabalh, hè a pensar as arqueològs que segurament s’emplegauen coma ornamentacion de bères cabanes.