Er an 1995, pendent era catacion en sector subaquatic dera Draga, laguens deth madeish estanh, se produsic ua trobalha excepcionau. Es arqueològs recuperèren peth prumèr còp ua airina de husta. Se tractaue d’ua petita hauç hèta de saüquèr, de pòc mès de 20 centimètres de long, que encara conservaue era lama de silèx e er adesiu, un hèt sense precedents ena peninsula Iberica. Es fabricants dera pèça auien seleccionat menimosament era matèria prumèra, en tot escuélher era confluéncia de dues branques entà qu’era hauç auesse un angle rècte que ajudèsse a amassar es tiges des cereaus. Era empunhada consistís en un petit pomèu cilindric, talhat exprèssament entà facilitar era subjeccion.