Vista generau deth parc Neolitic dera Draga. Fotografia de Harold Abellan.
Era visita ath Parc Neolitic dera Draga aufrís ua possibilitat unica tà apropar-mos ara vida des prumèrs pagesi que demorèren en Catalonha, ara hè 7.400 ans. Eth complèxe, qu’ocupe ua superfícia propèra as 6.000 m2, ei plaçat en ua zòna de prat just ara riba der estanh e s’organize en tres grani espacis:
- Er airau arqueologic, a on annaument s’amien a tèrme campanhes de catacion damb estudiants procedenti tant d’universitats catalanes coma dera rèsta deth mon. Com que se tracte d’un jadiment viu, en cors d’investigacion, non ei possible accedir enes zònes de trabalh.
- Er airau toristic e pedagogic, que compde damb un espaci de recepcion, ua sala didactica e dus cobèrts entà activitats, ath delà d’un espaci explicatiu damb panèus.
- Er airau de reconstruccions neolitiques, a on s’an reprodusit dues cabanes e un graèr. Laguens des reconstruccions s’i pòden veir toti aqueri elements caracteristics dera vida quotidiana ena Draga: airines de husta e cistalhatge, pèths, ceramiques...
Es activitats didactiques que s’aufrissen (tir damb arc e propulsor, moluda de cereaus, exibicion de talha litica, obtencion de huec…) Permeteràn a petiti —e non tan petiti— meter-se per un dia ena pèth des nòsti ancessors neolitics.
