Era Sala Capèla deth Palai de Maricel.
Ena Sala Capèla, s’i expause era colleccion de ceramica procedenta, tanben, deth Musèu des Reproduccions Artistiques. Òm i pòt contemplar reproduccions de ceramica de Manises, Paterna o Talavera, entre d’autes.
En centre dera sala, s’i a reprodusit liurament un retaule barròc, presidit ena nicha centrau per ua talha dera Mair de Diu deth Còr. Er originau ei era unica rèsta que se conèrve deth desapareishut retaule gotic dera glèisa de Santa Maria de Montblanc.
Eth hèt qu’era pèça siguesse entre es òbres presentades ena Exposicion Internacionau de Barcelona deth 1929, e qu’enes fotografies ancianes que dispausam dera capèla non i apareishe era imatge dera Mair de Diu mos hè a pensar qu’era còpia deth Maricel poderie procedir des hons des Musèus des Reproduccions Artistiques, e non de era colleccion de Charles Deering coma enquia ara se pensaue.
