Era entrada ath Palai de Maricel.
Era planta baisha deth Maricel de Tèrra acuelhie era zòna de servicis, damb accès dirècte deth carrèr de Fonollar estant. Enquia un totau d’onze pòrtes se daurien en aguest carrèr e dauen accès as dependéncies deth Palai. Aué en dia i a un projècte entà dedicar part d’aguesti espacis de servici ara creacion d’un centre d’interpretacion deth modernisme.
En prumèr tram dera escala i a ua petita pòrta, que comunicaue dirèctament damb eth pati dera casa de Miquel Utrillo. D’aguesta manèra s’asseguraue eth contraròtle deth Maricel de Tèrra. Aguesta pòrta procedís deth santuari del Tallat, plaçat ena sèrra deth madeish nòm, laguens des possessions deth monastèri cistercenc de Santa Maria de Poblet, e fòrça propèr ath monastèri femenin de Vallbona de les Monges.
