Cercaire de musèus e localitats

Palai de Maricel

Era avantcramba

Vestíbul deth Palai de Maricel.

Vestíbul deth Palai de Maricel.

Era prumèra sala que trobam abans deth Salon d’Aur la coneishem coma avantcramba e servís coma espaci de recepcion des visitants. S’i expause ua colleccion d’esmalts fòrça interessant. En realitat çò que vedem son reproduccions qu’era Junta de Musèus de Barcelona encarguèc entath sòn Musèu de Reproduccions Artistiques. En sègle XIX, en causa des Exposicions d’Indústries Artistiques, se desvelhèc un gran interès pes arts somptuàries o der objècte. Pertot d’Euròpa se creèren musèus de reproduccions destinades a apropar ath public es òbres mèstres de tempsi passadi.

En Junh deth 1936, era Junta decidic portar es colleccions de porcelana, ceramica, esmalts e veire ath Palai Maricel (aué en Maricel de Mar) entà èster-i expausades.

Bères ues des òbres son signades per bèri uns des milhors artistes deth moment, coma Théophile Soyer (París e Genèva) damb Afrodita damb amoretes o Ernest Blancher. Non tot son còpies, tanben i trobam originaus hèti a partir d’òbres d’aues disciplines artistiques, coma es retrats de Rafael. Tanben destaquen es cofrets damb calaishi que provien de Viena e daten deth sègle XIX. Des esmalts tanben destaquen es neorenaishentistes de Pierre Gobert, maugrat que cau verificar-ne encare era autoria.

scroll to top icon