Es claustres

Era darrèra, e ua des dependéncies mès espectaculares deth Maricel de Tèrra, ei eth claustre o claustres. Ei format per ua galaria que da ath baloard de Miquel Utrillo e un claustre ara manèra des medievaus o, quitament, des patis des dòmus romanes, damb un cubèrt d’un solet aiguavèrs.

De tot eth conjunt, es capitèths procedissen d’edificis ancians, era majoria medievaus, de tradicion romanica e gotica, a excepcion de dus capitèths de Pere Jou. Maugrat qu’es analisis des pèires mos remeten a Silos (Burgos), era sua tipologia e concepcion formau non se corresponen damb es deth monastèri burgalés. Se poderien tractar de pèces procedentes deth propèr monastèri de San Francisco de Silos. Tanben trobam pèces relacionades damb eth monastèri de Santa Maria de Poblet.

En çò que tanh as rajòles ceramiques que decòren dues des parets deth claustre, semble que provien dera codina der ancian Espitau dera Santa Crotz de Barcelona. Era representacion d’animaus e frutes que compausauen era dièta abituau de cò nòste ère un recors abituau entara decoracion de codines de palais, mansions, castèths e, quitament, espitaus.

Tant es claustres coma es terrasses son espacis dedicadi aué en dia a recepcions, concèrts de net, etc.