Construïda en sègle I dC en un tucò costerenc, a 12 km dera ciutat de Tarraco, aguesta villa constituís un des exponents de villa residenciau romana mès importanti deth país pera magnitud des sues rèstes arquitectoniques e pera riquesa des tractaments decoratius.

Enes penents septentrionau e occidentau deth tucò s'estenec era part rustica dera villa, mentre qu'en aute costat, de cara ara mar, s'i bastic ua grana domus, diuèrsi jardins e uns banhs.

Pendent eth sègle II dC, en tot coïncidir damb era maxima esplendor constructiva, siguec era residéncia de Cai Valèri Aviti, un des duumvirs de Tarraco —eth cargue mès naut dera Administracion locau— e dera sua esposa Faustina.

Ena darreria deth sègle III dC, i auec un gran incèndi que devastèc era màger part dera villa, que demorèc parciaument aucupada enquiath sègle VI o VII dC.