Considerada un des conjunts patrimoniaus mès importants e singulars deth nòste país, aguesta espleitacion minera s’inicièc hè 6.000 ans, en neolitic, e durèc apròp d’un millenari. Son es mines en galaria mès ancianes d’Euròpa e es uniques que se dedicauen ara extraccion de variscita, minerau damb eth quau s’elaborauen es ornaments qu’èren escambiadi en complèxi hilats pera Mediterranèa occidentau. Un còp agotades, bères ues des mines s’aprofitauen coma crambes funeràries. Tanben s’an recuperat rèstes singulares, coma eth crani trepanat e era Venus de Gavà.

Actuaument eth Parc Arqueologic aufrís ua visita entà toti es publics: recorsi audiovisuaus, interactius e era visita ara recreacion d’ua mina preistorica damb un recorrut adaptat permeten revíuer era experiéncia d’un viatge ath passat.