Museu dedicat ath violoncellista mès important de toti es tempsi, Pau Casals (1876-1973). Ei plaçat ena casa d’estiueg de Sant Salvador, en Vendrell, a on eth music visquec enquia darreries de 1939, quan era Guèrra Civila l’obliguèc a partir en exili. Eth musèu actuau dauric es pòrtes en 2001 e mòstre era esplendor dera casa e era trajectòria de Pau Casals coma òme, music e defensor dera patz.

Eth centre presente ua museografia modèrna que respècte es estances originaus dera casa e ath madeish temps mòstre, d’ua manèra innovadora e actualizada, era figura e òbra de Pau Casals. Era musica, es audiovisuaus e es objèctes originaus apròpen ath visitant, d’ua forma emotiva, ara vida e es pensaments deth music, des dera sua enfantesa ara sua maduresa coma òme de patz.