Era jòia dera corona deth Museu Municipal de Llívia ei tot eth materiau mòble procedent dera Farmàcia Esteva, considerada era oficina de farmàcia dubèrta ath public mès antica conservada en Euròpa, que se remonte a inicis deth sègle XV.

Eth materiau se crompèc pera Diputació de Girona damb era condicion que non gessesse jamès de Llívia e er Ajuntament se’n hec cargue. S’exposèc ena Torre Bernat de So e en 1981 se construïc e dauric eth Museu Municipal en ua des sales der edifici der Ajuntament. En 2006 barrèc es pòrtes entà començar era naua remodelacion museografica e, en mai de 2012, se reinaugurèc. Actuaument ocupe tota era planta baisha deth madeish edifici.

Abans d'entrar ena farmàcia antica, se pòt hèr un tast dera istòria mès que relevanta dera vila de Llívia a trauès de quauqu’ues des pèces arqueologiques, etnologiques e documentaus des quaus se dispòse. D’aguesta manèra se pòt conéisher eth contèxte comarcau dera vila e eth sòn entorn paisatgistic e tanben botanic, entà anar-mos apropant ara istòria dera farmàcia e ara Farmàcia Esteva en concrèt.