Eth Museu deth Joguet de Catalunya propòse un viatge pera istòria deth joguet industriau. Jocs dera infantesa, actuaus o de generacions endarrèr: teatrets, shivaus de carton, codina, pilòta, pipes, galdrofes, joguets de lhauna damb còrda, avions, coches, trens, tricicles, jòcs de construccion, ossardets, jòcs dera òca, circs, mariòles, robòts, e tanti d’auti companhs que tròben mens des apassionants e imaginatius moments de jòc dera infantesa.

Siguec inaugurat er an 1982 e, entre es 4.000 pèces exposades d’ua colleccion de mès de 15.000 jòcs e joguets, se pòden veir es qu’auien pertanhut a personalitats com Joan Brossa, Quim Monzó, Ernest Lluch, Salvador Puig Antich, Terenci Moix, etc. Tanben se pòt visitar un espaci dedicat as vint prumèrs ans de Salvador Dalí damb es sòns joguets, postaus en moviment e fotografies der àlbum familiar. Eth recorrut s’acompanhe pera musica de Pascal Comelade e d’Erik Satie.

Eth Museu deth Joguet de Catalunya a recebut, entre d’autes, eth Premi Nacional de Cultura Popular 1999 e era Creu de Sant Jordi 2007.