Eth Musèu deth Cantre d’Argentona ei dedicat ara conservacion e difusion d’ua importanta colleccion de mès de 4.000 recipients entar aigua, era majoritat des quaus son cantres de terralha tradicionau. Atau, se hè un recorrut per quasi tres mil ans de creacion dera umanitat, dempús dera edat deth bronze enquiar art contemporanèu, en qué destaquen diuèrses pèces de Pablo Picasso. Ath delà dera colleccion permanenta, eth musèu dedique un estatge a exposicions tematiques sus eth mon deth cantre, e resèrve ua sala entà exposicions temporaus d’artistes actuaus. Era botiga aufrís publicacions, reproduccions de pèces deth musèu e un ample ventalh de productes ceramics.