Eth Musèu deth Forment e era Pagesia ei un musèu de caractèr etnografic, que presente ua mòstra significativa dera cultura materiau des diferentes activitats dera vida rurau: es estances dera casa e es activitats tipicament domestiques, es trabalhs deth camp, era elaboracion des productes, es mestièrs tradicionaus…

En octobre de 1963, a partir d’un apèl popular promoigut per Agustí Duran i Sanpere, s’iniciaue ua campanha de recuelhuda d’objèctes agricòles entara creacion de çò que serie eth futur Musèu deth Forment e era Pagesia de Cervera.

Era apèl auec succès e en solament dètz dies se recuelheren mès de 600 objèctes apertienti a mès de 150 proprietaris de quaranta localitats que illustrauen ua vida en camp en plea transformacion. Èren es prumères pèces que conformarien era importanta colleccion que se sauve actuaument e que documente era vida e trabalh abans dera industrializacion deth camp catalan.