Eth Musèu de Mataró ei ua institucion patrimoniau dedicada ara sauvagarda, estudi, conservacion, recèrca e difusion deth patrimòni arqueologic, naturau e mobil vinculat a Mataró. Cònste d’ua sedença centrau en Can Serra e de tres extensions: Ca l’Arenas centre d’art, Can Marfà Gènere de Punt e eth Claus arqueologic Torre Llauder.

Can Serra ei era anciana casa pairau de Jeroni Serra Arnau, bastida eth 1565 e d’estil reneishentista, consèrva era estructura originària e era grana sala centrau en prumèr estatge damb caishonatge de husta originari.

Era exposicion permanenta presente dus des èishi tematics deth programa expositiu relacionadi damb era istòria de Mataró:

Iluro, ciutat romana mos apròpe ath passat roman dera ciutat qu’es catacions des darrèri ans an permetut conéisher milhor.

Era exposicion Mataró, ciutat mediterranèa hè un recorrut pera istòria dera ciutat dempús des tempsi medievaus e modèrns enquiara actualitat.

Periodicament se programen exposicions temporaus sus tèmes relacionadi damb era istòria locau.