Eth Museu de la Pesca, plaçat ath miei deth pòrt pesquèr de Palamós, mòstre era relacion basica entre er èste uman e era mar. Ac hè d’una manèra dubèrta, participativa e interpretativa, de forma qu’es visitants se senten complices d’ua istòria que vire ath torn deth peish e era pesca, e gesquen deth musèu damb ua guardada naua d’aguesta activitat economica.

Eth Museu de la Pesca vò èster un lòc de dialòg entre era gent de mar e era rèsta dera societat; vò èster eth rescat d’una tradicion millenària entre es comunitats e era mar e preten era descubèrta d’un mon apassionant e fragil, d’un patrimòni naturau, sociau e culturau procedent dera pesca e es sòns protagonistes mès dirèctes, damb era volontat inequivòca de préner posicion deuant deth futur deth sector e des recorsi marins.

Aguest objectiu se hè per miei d’ua seria d'equipaments situats en pòrt de Palamós, qu’oferissen servicis, accions e activitats en encastre dera conservacion, er estudi, era difusion e era valoracion deth patrimòni estacat ath peish, era pesca e es pescadors deth litorau dera Costa Brava: era exposicion permanenta, Documare (centre de documentacion dera pesca e era mar), era Càtedra d’Estudis Marítims, es Barques del Peix, e er Espai del Peix coma aula gastronomica e de descubèrta des espècies e dera codina tradicionau.