Eth Museu de la Noguera gestione eth patrimòni arqueologic dera ciutat de Balaguer e establís vincles de recèrca e difusion entre era institucion e eth territòri, damb era idea d’èster ua plataforma entà enténer eth nòste patrimòni e es nòstes arraïcs des dera convivéncia des tres cultures que definiren era istòria d’Al-Àndalus. Eth patrimòni andalusí e feudau dera comarca dera Noguera, e especiaument eth dera ciutat de Balaguer, conforme un des conjunts mès importants d'aguesta epòca en Catalonha, tant pera quantitat com pera qualitat des sues rèstes, e s'a convertit en un des punts de referéncia tà enténer era istòria der Al-Àndalus en Catalonha.

Actuaument, eth Museu de la Noguera administre e organize eth patrimòni museïstic de Balaguèr e procure era coordinacion dera activitat museïstica de tota era comarca, atau com eth desvolopament des trabalhs de recèrca, documentacion, conservacion e restauracion, difusion e pedagogia deth patrimòni integrau dera comarca.