Era musica mos emocione e participe de manèra decisiva a bastir era vida sociau.

Eth Musèu dera Musica de Barcelona prepause un viatge pes diuèrsi mons dera musica —era istòria e es cultures— a trauès d’esturments musicaus e dera escota de musica enes madeishes sales. Expause ua colleccion d’apròp de dus cents esturments, cada un des quaus n’a era emprenta des persones que l’an construït e l’an utilizat entà hèr musica.

Era visita comence damb es elements comuns dera musica, coma era melodia, eth ritme e eth timbre. Contunhe, damb es audiovisuaus, en tot viatjar dempús dera edat mejana enquiath sègle XX, en tot hèr ua arturada en dus espacis especiaus, era sala des musics catalans e era colleccion de guitarres, e en tot acabar ena sala d’interactius.

E des esturments, passam ara experiéncia dera musica: eth musèu organize concèrts damb es sòns esturments istorics, que complèten era programacion de L’Auditòri, aué era casa dera musica de Barcelona.