En seteme de 2011 eth Museu de Guissona Eduard Camps i Cava se renauic ena planta baisha dera antica Fassina Mercadé, ath costat des dues ectares que formen eth parc arqueologic dera ciutat romana de Iesso.

Er espaci expositiu deth Museu de Guissona permet conéisher eth procès de romanizacion der interior de Catalonha, atau com era evolucion politica, sociau e economica dera ciutat romana de Iesso, fondada ath torn der an 100 aC e que siguec activa, e sense discontinuïtat, enquiath sègle VI dC. Eth visitant coneisherà es espacis dera vila romana de Iesso a compdar de tèxtes, fotografies, illustracions, objèctes e rèstes qu’era arqueologia a metut ath descubèrt: murralha, carrèrs, cases, tèrmes... Er objectiu ei que se poguen revíuer es activitats quotidianes qu’ es abitants d’aguesta vila desvolopèren ara hè 2000 ans.