Eth Musèu de Badalona se tròbe en còr dera anciana ciutat romana de Baetulo. En sossolèr, s’i consèrve un des conjunts arqueologics d’epòca romana mès importanti de Catalonha. Un recorrut circular permet veir mès de 3.400 m² dera ciutat: es tèrmes, deth sègle I aC —un des exemples mès ancians dera peninsula Iberica—, e bèri uns des principaus carrèrs damb abitatges e botigues. Tot eth conjunt mos descorbís coma ère era vida quotidiana hè mès de dus mil ans.

Era exposicion permanenta includís sustot pèces dera epòca romana, entre es quaus destaquen era Venus de Badalona, es gahons dera pòrta dera muralha dera ciutat e era tabula hospitalis.

Tot er espaci ei illuminat escenograficament e adaptat damb elements de reconstruccion istorica e efèctes sonors que mos transpòrten ara anciana Baetulo e mos i immergissen. Eth conjunt ei accessible e dispause de moduls tactils entà invedents.