Eth principau objectiu deth Musèu d’Istòria des Judius ei preservar e difóner era istòria des comunitats judives de Catalunya, qu’ath long de tota era edat mieja formèren part e contribuïren decisivament ena trajectòria istorica e en devolopament culturau e scientific deth país. Ena majoria des casi s'a procurat illustrar es explicacions deth recorrut museologic damb exemples procedents dera istòria dera Girona judiva. Aguesti exemples, tant documentaus com arqueologics o iconografics, oferissen ua explicacion generica des formes de vida judiva ena Catalonha medievau.