Deuant dera mar Mediterranèa, en un paratge naturau de beutat excepcionau, repòsen es roïnes d'Empúries, eth jaciment arqueologic grècoroman mès important de Catalonha. Es sòns carrèrs, temples e places, damb mès de 2.000 ans d'istòria, consèrven eth legat des antiques civilizacions ibèra, grèga e romana que i conviuèren. Empúries aufrís ua veirina privilegiada e incomparabla tath nòste passat, atau coma ua oportunitat unica de conéisher, de prumèra man, era cultura, era istòria e er art des nòsti avantpassats.

\ \

Era sedença deth Musèu d’Arqueologia de Catalonha en Empúries (MAC-Empúries) velhe entà aufrir ua experiéncia emocionanta e enriquidora, en contacte dirècte damb es vestigis arqueologics. Era visita ena ciutat grèga —era unica conservada ena peninsula Iberica— e era ciutat romana se complète damb era deth musèu, a on se pòden contemplar objèctes representatius dera istòria deth jaciment descorbidi pendent es mès de cent ans d'excavacions en Empúries.