Plaçat en un arribent doç deth Parc de Montjuïc, eth Jardin Botanic de Barcelona met a portada de man deth visitant ua passejada diferenta entà cada estacion der an a trauès dera vegetacion des cinc regions deth mon damb clima mediterranèu.

Era foncion deth Jardin ei era de preservar e hèr a conéisher colleccions de plantes mediterranèes de tot eth mon. Entre es sòns objectius principaus destaque era conservacion e documentacion deth patrimòni naturau de Catalonha, ath madeish viatge qu’agís coma element difusor dera cultura botanica e naturalista e promò era coneishença e eth respècte pera natura. Dempús deth punt d’enguarda scientific, eth Jardin recep eth sosten der Institut Botanic de Barcelona, un centre de recèrca mixta (Ajuntament de Barcelona e CSIC) dedicat ara investigacion botanica. Aguest centre, de prestigi consolidat, a ua importanta bibliotèca e un des erbaris mès grani de Catalonha.