Er Institut Catalan de Paleontologia Miquel Crusafont (ICP) siguec inaugurat pera Deputacion de Barcelona er an 1969. Er an 2010 se tornèc a inaugurar dempús d’èster traspassat ara Generalitat de Catalonha e de passar a èster gerit pera Fondacion Institut Catalan de Paleontologia.

Er ICP ei un centre d’investigacion paleontologica que se dedique ara investigacion, conservacion e difusion deth patrimòni paleontologic deth nòste país. Eth musèu der ICP a dues sales d’exposicions, ua sala permanenta a on s’expliquen es cinc linhes d’investigacion deth centre centrat enes fossils de vertebradi —e a on destaquen era reconstruccion d’un titanosaure, es reproduccions d’un esquelèt sancer de triceratòps e un crani de tiranosaure— e ua sala d’exposicions temporaus. Damb era tòca de promòir era coneishença dera paleontologia e eth respècte peth patrimòni, er ICP aufrís activitats adreçades tàs escòles e tàs familhes, e jornades, conferéncies e autes activitats adreçades a un public adult.