En Sabadell, pendent es ans quaranta e cinquanta deth sègle XX, enes arribasi argelosi deth marge dret der arriu Ripoll, s’i catèren tutes artificiaus que servien de larèr a fòrça familhes immigrades. E açò ei que, frut dera manca de prevision e dera incalhença politica deth regim franquista, i auie ua manca absoluta d’aufèrta d’abitatges accessibles.

Es tutes se placèren en quate zònes diferentes dera ciutat. Eth sector que n’auie mès ère eth de Can Quadres e Sant Oleguer, damb 112 tutes abitades er an 1946. Se distribuïen en diferenti rengs e se comunicauen per corsères e gradons hèti pes madeishi abitants. Er an 1955 eth nombre de tutes abitades s’auie redusit a 82, e encara i viuien apruprètz 500 persones. Era darrèra tuta abitada siguec clausurada per Ajuntament er an 1958.

Aguest espaci hè part deth Hilat d’Espacis de Memòria deth Memoriau Democratic dera Generalitat de Catalonha.