Bastissa monumentau d'uns 90 m de façada presidida per ua grana sala circulara cobèrta per ua copòla decorada damb pintures e mosaïcs. Eth mosaïc dera copòla s'ordene en tres frises principaus. Era inferiora represente ua caça; era intermediària, un recuelh d'episòdis der Antic e deth Nau Testament, era superiora contie quate scènes de personatges de naut reng separadi pes representacions des sasons.

S'agís deth mosaïc de copòla damb tematica cristiana mès antic deth mon roman.

Ua bastissa esplendida construïda entre es sègles IV e V, ath cant de Tarraco, que, maugrat era dilatada e intensa recèrca que n'a estat objècte (especiaument a cargue der Institut Arqueologic Alemanh de Madrid), era sua foncion contunhe d’èster controvertida: mausolèu, villa, basilica, basa militara, etc.

Anteriorament, en aguest madeish endret s'auien documentat rèstes d'un assentament tardorepublican (sègles II-I aC) e d'ua villa nautimperiau (sègles I-III dC).