Era Bibliotèca Musèu Víctor Balaguer, fondada eth 1884 peth politic e escrivan que li da nòm, ei un des musèus mès ancians e singulars de Catalonha. Manten era bona part era estetica e es colleccions originaus deth sègle XIX.

Enes sales se mòstren òbres de pintors coma Ramon Martí Alsina, Santiago Rusiñol, Ramon Casas, Isidre Nonell, Joaquim Mir e Xavier Nogués, entre d’auti, qu’aufrissen un recorrut excepcionau per art catalan dempús deth Romanticisme enquiar art contemporanèu, en qué destaque era importanta colleccion d’art informalista.

Era seccion de pintura se complète damb era exibicion permanenta d’ua vintea de pintures deth barròc espanhòu e europèu deth depaus istoric deth Musèu deth Prado.

Entre es colleccions etnografiques, i a pèces des Filipines, Egipte, era China e eth Japon, coma tanben ua mòstra d’art precolombin. I destaque era colleccion egipciana, era prumèra que se formèc en Catalonha, que includís era momia d’un mainatge.