Catedrau de Girona

Girona

Hons: Capítol de la Catedral de Girona. Autor: Gustavo A.T. Mendoza

Era Catedrau de Girona presente ath visitant ua nau plea d’òbres d’art: ua grana colleccion de retaules, un magnific presbitèri damb un sèti e ara d’autar deth sègle XI, un baldaquin e autar major d’orfebreria deth sègle XIV, eth veiriau de Sean Scully inaugurat en 2011... Aguestes son sonque ua mòstra de çò que sauven es murs dera catedrau. Eth claustre, deth sègle XII, mòstre nombrosi capitèus figurats damb scènes bibliques, bères ues plan curioses e susprenentes.

En Tresor ei a on trobam era impressionanta colleccion d’art qu’eth Capítol dera Catedral de Girona a anat conservant e enriquint ath long deth temps. Enes sues quate sales trobam pèces de diuèrses epòques, tecniques e estils, ua bona part cabdaus entara istòria der art. Laguens der ensemble subergés eth famós Tapís de la Creació, mès de ben segur suspreneràn pèces com era arqueta de Hixam II, era escultura de Sant Carlemany, eth Beatus o eth sagèth dera comtessa Ermessenda de Carcassona, tà nomentar-ne quauqu’uns.