Maquina de vapor.

Era maquina de vapor ère eth còr dera fabrica. Ère coneishuda popularament coma "era saumeta", pr'amor qu'accionaue tota era maquinària dera nau industriau. Era maquina expausada non ei era originau dera fabrica. Se construïc er an 1897 ena Maquinista Terrestre i Marítima e foncionèc ena fabrica Ponsa deth Pòblenou (Barcelona), que produsie mocadors de seda.

Era maquina de vapor originau dera fabrica non s'a conservat. Se venec coma hèr vielh er an 1915 quan s'implantèc era electricitat. Pes fotografies se sap qu'ère de dobla expansion, ei a díder, qu'aprofitaue eth vapor dus viatges, a nauta pression e a baisha pression.