Maqueta dera bastissa deth Vapor Aymerich, Amat i Jover
Era bastissa deth Musèu dera Sciéncia e dera Tecnica de Catalonha, eth Vapor Aymerich, Amat i Jover, represente era milhora òbra arquitectonica industriau modernista deth país. Dessenhada per arquitècte Lluís Muncunill, s'inaugurèc er an 1909. Destaque era espectacularitat dera cubèrta dera bastissa, en forma de dents de ressèga. Es formes rèctes abituaus d'aguesta sòrta de tet sigueren reinterpretades per Muncunill damb 161 vòutes de tòcho plan o vòuta catalana. Les sostien es 300 colomnes de hèr honut que servien tanben coma baishants d'aigua e coma supòrt des embarrats.
