Era exposicion presente era Colleccion Pere Permanyer, depositada en mNACTEC, un vertadèr musèu Montesa que se caracterize per auer modèls de totes es tipologies d'aguesta mèrca. "Viva Montesa" hè un recorrut pera istòria dera mèrca catalana a trauès de 67 motocicletes, tres bicicletes e dus motors.
Aguesti veïculs, acompanhadi de vidèos e imatges emblematiques, son es encargadi d'explicar era istòria de Montesa des des sòns inicis, er an 1945, en tot remercar bères ues des etapes sociaus e esportives mès significatives dera epòca, coma era Operacion Impala, era Operacion Cròno, es 24 Ores de Montjuïc, es traslats dera fabrica motivadi peth creishement dera empresa, era exportacion a nivèu mondiau, es anoncis publicitaris e era aparicion en premsa, enquia arribar ara creacion dera societat Montesa-Honda SA, er an 1986. Aué en dia Montesa se manten coma simbèu en mon deth motociclisme e contunhe d'èster referéncia ena modalitat esportiva de trial.
