Cercaire de musèus e localitats

Museu Nacional de la Ciència i la Tècnica de Catalunya - MNACTEC

Eth còs uman. Com sò jo?

Era exposicion "Eth còs uman". Com sò jo?" ei centrada en un des tèmes que mès apassione e preocupe ar encòp ar èster uman: eth sòn pròpri còs e tot çò restacat damb era vida. Era societat deth coneishement e era informacion non s'arturen e auancen cada viatge mès rapidament e damb mès energia entà un futur inimaginable. Mès eth còs uman e eth sòn foncionament demoren grani desconeishudi.

Era exposicion, organizada peth mNACTEC damb eth patronatge dera òbra sociau d'Unnim, vò dar a conéisher eth còs uman des d'un punt de vista interactiu e dinamic, en tot méter ara artenhuda de toti es visitaires prepauses atractives que les permeten de descorbir liurament e de manèra autonòma eth foncionament deth pròpri còs.

Ath delà d'elements interactius, ena exposicion tanben se pòt trapar ua importanta colleccion d'objèctes procendenta deth Musèu dera Istòria dera Medicina qu'apòrte ua vision retrospectiva de com er èster uman a desvolopat tota ua tiera d'instruments que li an permetut d'aprigondir en coneishement deth sòn organisme. Era colleccion d'intrumentau medicau introduís, per exemple, concèptes coma era diferéncia visuau a trauès de protèsis oculares o es afeccions sanguines damb er emomètre e eth colesterolimètre. Explicar un hèt scientific des d'un punt de vista ludic non ei un prètzhèt facil, e era intencion a estat de trabalhar tostemp damb comparasons, realitats e objèctes çò de mès propèrs possible. Entà desvolopar aguest prètzhèt s'a compdat damb ua equipa interdisciplinària ena quau an trabalhat pedagògs, museològs e mèstres, demest d'auti especialistes, damb er objectiu d'adaptar es contenguts as besonhs d'ua societat en transformacion constanta coma era nòsta.

OBJÈCTES

<p>Premaniment anatomic deth uelh.</p>
Premaniment anatomic deth uelh
Premaniment anatomic deth uelh.
scroll to top icon