Er enigma der ordenador mòstre ua des colleccions d'ordenadors mès importantes d'Euròpa e era mès completa de Catalonha. Ua reflexion sus era revolucion tecnologica, sus er engenh uman que l'a hèta possibla e sus era sua evolucion accelerada aué en dia.
Fòrça monde cre qu'era informatica comencèc damb eth PC, mès era vertat ei qu'aguest non apareish enquias ans 60 deth sègle XX. En realitat, es origines der ordenador se trapen ar entorn deth V millènni aC, quan es prumères civilizacions umanes desvolopèren airines que les facilitèssen era realizacion de calculs senzilhs, coma crompar un ramat o mesurar estenudes de tèrra. Ena mesura qu'era sciéncia e era tecnologia auançauen, aguestes airines se perfeccionauen: apareishec er abac; dempús, er astrolabi, es bastons de Napier, es calculadores, es tabuladores, es ordenadors centraus, mès coneishudi coma "mainframes", eth PC, e atau successivament enquia arribar as nòsti dies, que i a chips pertot e es tecnologies dera informacion evolocionen de manèra frenetica.
Era exposicion, espaci qu'aucupe mès de 1.500 m², repasse era istòria der ordenador, des dera genèsi enquiara espelida tecnologica actuau, a trauès d'un recorrut visuau damb ua completa mòstra de lèu 150 instruments matematics e aparelhs, es mès emblematics d'ua colleccion de mès de 400 ordenadors e 200 microprocessadors, ua des mès importantes d'Euròpa. Ath delà de desvelhar ua part transcendentau e molt pòc coneishuda dera nòsta istòria, damb aguesta exposicion se vò demostrar se com er engenh individuau, ligat as successius besonhs e contingéncies des diferentes epòques, a hèt possible qu'aué en dia parlem dera societat dera informacion.
